ਅਮਰੀਕਾ ਦੇ ਨਿਊਯਾਰਕ ਸ਼ਹਿਰ ਵਿਚ ਵਸਦਾ ਛੋਟਾ ਪੰਜਾਬ

ਨਿਊਯਾਰਕ, 31 ਦਸੰਬਰ, 2020. : ਨਿਊਯਾਰਕ ਦਾ ਰਿਚਮੰਡ ਹਿਲ ਇਲਾਕਾ ਮੁੱਖ ਸ਼ਹਿਰ ਮੈਨਹਟਨ ਤੋਂ 15 ਮੀਲ ਦੂਰ ਹੈ। ਲੈਫਰਟਸ ਬੋਲਿਵਰਡ ਇਸ ਇਲਾਕੇ ਦਾ ਆਖਰੀ ਰੇਲਵੇ ਸਟੇਸ਼ਨ ਹੈ। Îਇੱਥੇ ਦੀ ਸੜਕਾਂ ’ਤੇ ਚਲੀਏ ਤਾਂ ਅੰਗਰੇਜ਼ੀ ਘੱਟ ਅਤੇ ਪੰਜਾਬੀ ਜ਼ਿਆਦਾ ਸੁਣਾਈ ਦਿੰਦੀ ਹੈ। ਗੱਡੀਆਂ ਦੀ ਆਵਾਜ਼ ਤੋਂ ਤੇਜ਼ ਪੰਜਾਬੀ ਰੈਪ ਗਾਣੇ ਸੁਣਾਈ ਦਿੰਦੇ ਹਨ। ਅਜਿਹਾ ਮਹਿਸੂਸ ਹੁੰਦਾ ਹੈ ਕਿ ਆਪ ਲੁਧਿਆਣਾਂ ਦੀਆਂ ਸੜਕਾਂ ’ਤੇ ਘੰੁਮ ਰਹੇ ਹਨ ਲੇਕਿਨ ਹਕੀਕਤ ਵਿਚ ਇਹ Îਨਿਊਯਾਰਕ ਦੇ ਪੰਜ ਨਗਰਾਂ ਵਿਚੋਂ ਇੱਕ ਕਵੀਂਸ ਨਗਰ ਦਾ Îਇਲਾਕਾ ਹੈ। ਇਸ ਨੂੰ ਛੋਟਾ ਪੰਜਾਬ ਦੇ ਨਾਂ ਨਾਲ ਜਾਣਿਆ ਜਾਂਦਾ ਹੈ।
ਰਿਮਚੰਡ ਹਿਲ ਦੇ ਇਸ ਇਲਾਕੇ ਵਿਚ ਪੂਰੀ ਤਰ੍ਹਾਂ ਪੰਜਾਬੀ ਸੱਭਿਆਚਾਰ, ਬੋਲੀ ਅਤੇ ਰਹਿਣ ਸਹਿਣ ਪ੍ਰਭਾਵੀ ਹੈ। ਪੰਜਾਬੀ ਲੋਕਾਂ ਨਾਲ ਭਰੇ ਇਸ Îਇਲਾਕੇ ਵਿਚ ਲੋਕ ਅਸਲੀ ਪੰਜਾਬੀ ਪਰਾਂਠੇ ਦਾ ਆਨੰਦ  ਲੈਣ ਆਉਂਦੇ ਹਨ।  ਸੜਕਾਂ ’ਤੇ ਅਜਿਹੇ ਲੋਕ ਮਿਲ ਜਾਣਗੇ ਜਿਨ੍ਹਾਂ ਨਾਲ ਅੰਗਰੇਜ਼ੀ ਦੀ ਬਜਾਏ ਪੰਜਾਬੀ ਜਾਂ ਹਿੰਦੀ ਵਿਚ ਗੱਲਾਂ ਕਰਨਾ ਜ਼ਿਆਦਾ ਅਸਾਨ ਹੈ।  ਹੇਅਰ ਸੈਲੂਨ ਵਿਚ ਸ਼ਾਹਰੁਖ ਅਤੇ ਸਲਮਾਨ ਖਾਨ ਸਟਾਇਲ ਵਿਚ ਵਾਲ ਕਟਾਉਣ ਦੇ ਲਈ 10 ਡਾਲਰ ਲੱਗਦੇ ਹਨ। ਇਹ ਇਲਾਕਾ ਪੂਰੇ ਨਿਊਯਾਰਕ ਵਿਚ ਇਸ ਲਈ ਪ੍ਰਸਿੱਧ ਹੋ ਗਿਆ ਹੈ ਕਿਉਂਕਿ ਮੇਅਰ ਨੇ ਇੱਥੇ ਦੀ ਦੋ ਸੜਕਾਂ ਦਾ ਨਾਂ ਬਦਲ ਕੇ ਪੰਜਾਬੀ ਕਮਿਊਨਿਟੀ ਨੂੰ ਸਮਰਪਿਤ ਕੀਤਾ ਹੈ। ਨਿਊਯਾਰਕ ਸਿਟੀ ਕਾਊਂਸਲ ਨੇ 111 ਸਟ੍ਰੀਟ ਅਤੇ 123 ਸਟ੍ਰੀਟ ਦੇ ਵਿਚ ਸਥਿਤ 101 ਐਵਨਿਊ ਦਾ ਨਾਂ ਪੰਜਾਬੀ ਐਵਨਿਊ ਕਰ ਦਿੱਤਾ ਹੈ। ਨਾਲ ਹੀ, 97 ਐਵਨਿਊ ਦਾ ਨਾਂ ਬਦਲ ਕੇ ਗੁਰਦੁਆਰਾ ਸਟ੍ਰੀਟ ਕਰ ਦਿੱਤਾ ਹੈ। ਇਹ ਉਹੀ ਇਲਾਕਾ ਹੈ ਜਿੱਥੇ ਇੱਕ ਵੱਡਾ ਗੁਰਦੁਆਰਾ ਹੈ।