ਜਲੰਧਰ, (ਸੰਜੇ ਸ਼ਰਮਾ)-ਸਰਕਾਰੀ ਕੰਨਿਆ ਸੈਕੰਡਰੀ ਸਕੂਲ ਆਦਰਸ਼ ਨਗਰ ਵਿਖੇ ਨਾਬਾਰਡ ਸਕੀਮ ਅਧੀਨ ਨਵੀਂ ਬਣੀ ਇਮਾਰਤ ਵਿੱਚ ਸਾਇੰਸ ਲੈਬੋਟਰੀ, ਮੈਥ ਲੈਬ ਅਤੇ ਨਵੇਂ ਤਿਆਰ ਕੀਤੇ ਸਪੋਰਟਸ ਰੂਮ ਦਾ ਉਦਘਾਟਨ ਜਿਲ੍ਹਾ ਸਿੱਖਿਆ ਅਫ਼ਸਰ (ਸੈਕ.ਸਿ) ਸ਼੍ਰੀ ਹਰਿੰਦਰ ਪਾਲ ਸਿੰਘ ਜੀ ਵਲੋਂ ਕੀਤਾ ਗਿਆ। ਇਸ ਮੌਕੇ ਉਨ੍ਹਾਂ ਦੇ ਨਾਲ ਡਿਪਟੀ ਜਿਲ੍ਹਾ ਸਿੱਖਿਆ ਅਫ਼ਸਰ ਜਲੰਧਰ ਸ਼੍ਰੀ ਰਾਜੀਵ ਜੋਸ਼ੀ, ਸਾਬਕਾ ਜਿਲ੍ਹਾ ਸਿੱਖਿਆ ਅਫ਼ਸਰ ਕਪੂਰਥਲਾ ਸ਼੍ਰੀ ਮੱਸਾ ਸਿੰਘ, ਪਿ੍ਰੰਸੀਪਲ ਕਮਲ ਗੁਪਤਾ ਅਤੇ ਜ਼ਿਲ੍ਹੇ ਦੇ ਡੀ ਐਮ ਸ਼੍ਰੀ ਹਰਜੀਤ ਬਾਵਾ, ਜਸਵਿੰਦਰ ਸਿੰਘ ਭਮਰਾ, ਚੰਦਰ ਸ਼ੇਖਰ ਅਤੇ ਸਾਰੇ ਬੀਐਮ ਹਾਜ਼ਰ ਸਨ। ਸਕੂਲ ਪਿ੍ਰੰਸੀਪਲ ਸ਼੍ਰੀਮਤੀ ਖੁਸ਼ਦੀਪ ਕੌਰ ਅਤੇ ਲੈਕ ਸ਼੍ਰੀ ਭੁਪਿੰਦਰ ਪਾਲ ਸਿੰਘ ਨੇ ਸਭ ਨੂੰ ਸਕੂਲ ਵਿੱਚ ਆਉਣ ’ਤੇ ਜੀ ਆਇਆਂ ਕਿਹਾ ਅਤੇ ਧੰਨਵਾਦ ਕੀਤਾ।