ਬਿਗ ਬਾਸ ਸ਼ੋਅ ਦੌਰਾਨ ਝਗੜੇ ਵਿਚ ਭੰਨਿਆ ਰਾਖੀ ਸਾਵੰਤ ਦਾ ਨੱਕ

ਮੁੰਬਈ, 29 ਦਸੰਬਰ, 2020:ਬਿਗ ਬਾਸ ਦੇ ਚਲ ਰਹੇ ਸ਼ੋਅ ਦੌਰਾਨ ਉਸ ਵੇਲੇ ਪੰਗਾ ਪੈ ਗਿਆ ਜਦੋ ਗੁੱਸੇ ’ਚ ਜੈਸਮੀਨ ਨੇ ਇਕ ਸ਼ੋਪੀਸ ਬੱਤਖ ਦਾ ਮੂੰਹ ਚੁੱਕ ਕੇ ਰਾਖੀ ਦੇ ਮੂੰਹ ’ਤੇ ਜ਼ੋਰ ਨਾਲ ਮਾਰ ਦਿ,ਤਾ ਜੈਸਮੀਨ ਦੀ ਇਸ ਹਰਕਤ ਤੋਂ ਬਾਅਦ ਰਾਖੀ ਜ਼ੋਰ ਜ਼ੋਰ ਨਾਲ ਚੀਕਣ ਲੱਗਦੀ ਹੈ ਤੇ ਕਹਿੰਦੀ ਹੈ ਕਿ ਉਨ੍ਹਾਂ ਦੀ ਨੱਕ ਟੁੱਟ ਗਈ।  ਕਲਰਜ਼ ਨੇ ਆਪਣੇ ਇੰਸਟਾਗ੍ਰਾਮ ’ਤੇ ਇਕ ਵੀਡੀਓ ਸ਼ੇਅਰ ਕੀਤਾ ਹੈ ਜਿਸ ’ਚ ਕਾਫੀ ਪਿੱਛੇ ਰਾਖੀ ਤੇ ਜੈਸਮੀਨ ’ਚ ਲੜਾਈ ਦਿਖ ਰਹੀ ਹੈ। ਵੀਡੀਓ ’ਚ ਦਿਖਾਈ ਦੇ ਰਿਹਾ ਹੈ ਕਿ ਰਾਖੀ ਕਹਿ ਰਹੀ ਹੈ ‘ਜੋ ਮੇਰੇ ਪਿੱਛੇ ਸਪਾਈ ਕਰੇਗਾ ਉਸ ਦੀ ਲੱਤ ਟੁੱਟ ਜਾਵੇ…ਰਾਖੀ ਦੀ ਇਹ ਗੱਲ ਸੁਣ ਕੇ ਅਲੀ ਤੇ ਜੈਸਮੀਨ ਉਨ੍ਹਾਂ ’ਤੇ ਗੁੱਸੇ ਕਰਦੇ ਦਿਖ ਰਹੇ ਹਨ। ਹਾਲਾਂਕਿ ਅਲੀ ਥੋੜ੍ਹੀ ਦੇਰ ’ਚ ਸ਼ਾਂਤ ਹੋ ਜਾਂਦੇ ਹਨ ਪਰ ਜੈਸਮੀਨ ਤੇ ਰਾਖੀ ’ਚ ਇਹ ਲੜਾਈ ਜਾਰੀ ਰਹਿੰਦੀ ਹੈ।